Política de Privacidá

Introducción

La sociedá B. Alto Creativos SL, d’equí p’alantre B. Alto, atropa, trata y almacena información personal al traviés de la web indumentaria.com.es, de la que ye propietaria.

Esta información ye relativa a los usuarios de la web. La información va atropase, tratase y almacenase acordies a la Política de Privacidá presente.

Esta Política de Privacidá actualizóse’l 2 de mayu del 2018.

 

Responsable Llegal

Denominación comercial: B. Alto

Denominación social: B. Alto Creativos SL

Identificador fiscal: B74339052

Domiciliu: c/ General Elorza 36, 1.º D, 33001 Uviéu, Asturies.

E-mail de contactu: henrique@balto.es

 

Lleis d’aplicación nesta web

RXPD (Reglamentu (UE) 2016/679 del Parlamentu Européu y del Conseyu de 27 d’abril del 2016 relativu a la protección de les persones físiques).
LOPD (Llei Orgánica 15/1999, de 13 d’avientu, de Protección de Datos de Carácter Personal y Real Decretu 1720/2007, de 21 d’avientu, Reglamentu de desarrollu de la LOPD).

LSSI (Llei 34/2002, de 11 de xunetu, de Servicios de la Sociedá de la Información y Comerciu Electrónicu).

 

Datos recopilaos

Únicamente se van atropar los datos estrictamente necesarios pa llevar a cabu l’actividá normal del serviciu. Axustándose al principiu de minimización de datos (Art.5.b RXPD).

Los datos que s’atropen van ser, en cualquier casu, de mayores de 16 años (Art. 8.1 RXPD). B. Alto guárdase’l derechu a garrar les midíes oportunes pa comprobar la veracidá de la edá (Art. 8.2 RXPD).

En cualquier casu, estos datos van ser de carácter personal identificativos y non sensibles, como pueden ser:

  • Corréu electrónicu
  • Teléfonu
  • Nome y apellíos
  • DNI
  • Dirección

 

Métodos de recopilación

De les visites que recibimos a la nuestra páxina Web, el nuestru servidor reconoz automáticamente: la dirección IP, fecha y hora d’entrada y salida de la web y los ficheros que se descargaron.

Los datos personales van atropase al traviés de la web de B. Alto, indumentaria.com.es, cuando usté meta información en dalgún de los campos destinaos a ello na web. Estos campos van señalizase como ta mandao y nun van guardar nengún datu hasta que nun s’acepte espresamente la cesión y xestión acordies con esta política de privacidá.

Oxetivu de la recopilación y usu de los datos

La recopilación y usu de datos personales faise col oxetivu únicu d’organizar adecuadamente’l Concursu Indumentaria 2018, que se va celebrar en Grau (Asturies) el domingu 30 de setiembre del 2018.

Los datos de les visites atrópense únicamente col oxetivu de la esplotación estadística de los usos y zones más visitaes de la Web.

B. Alto comprométese a nun usar los datos obteníos con una finalidá distinta a estes.

 

Destinatariu de los datos

Los datos atropaos van incorporase a un ficheru propiedá de B. Alto

Esti ficheru va xestionalu B. Alto Creativos SL.

Esti ficheru va almacenase en:

  • Sitiu d’actividá de B. Alto, en c/ Alonso Quintanilla 5, 33002 Uviéu, Asturies.
  • Google, con domiciliu en Mountain View, 1600 Amphitheatre Parkway Mountain View, CA 94043 Estados Unidos

 

Plazu de conservación de los datos

Los datos van conservase hasta que se cumpla l’oxjetivu pal que s’atroparon estos datos (Art.5.e. RXPD) o hasta que s’exerza’l derechu a la so supresión o modificación. Siempre y cuando esto nun entre en conflictu cola necesidá de guardalos por motivos llegales o fiscales.

 

¿Cómo protexemos los sos datos?

El sitiu web cuenta con un certificáu SSL (Secure Socket Layer), qu’asegura que los datos personales se tresmiten de forma segura y confidencial, al ser la tresmisión de los datos ente’l servidor y l’usuariu, y en retroalimentación, totalmente cifrada o encriptada.

Con too y con ello, como B. Alto nun puede garantizar la inespugnabilidá d’Internet nin l’ausencia total de hackers y otros qu’accedan de manera fraudulenta a los datos personales, B. Alto comprométese a comunicar al usuariu, ensin retrasu indebíu, cuando asoceda una violación de la seguridá de los datos personales que sía probable qu’implique un riesgu altu pa los derechos y llibertaes de les persones físiques.

Amás, B. Alto comprométese a caltener la confidencialidá de los datos y a nun comunicar nin permitir l’accesu a terceros non autorizaos.

 

Los sos derechos en cuantes a la protección de datos

La llexislación reconoz-y unos derechos como usuariu que cedió los datos personales:

  • Accesu: la persona interesada tien derechu a saber qué datos sobre ella tán tratando les entidaes.
  • Rectificación: la persona interesada tien derechu a solicitar la rectificación de los datos inexactos.
  • Supresión: la persona interesada tien derechu a solicitar la supresión de los datos cuando, ente otros motivos, los datos nun sían necesarios pa los fines pa los que se recoyeron.
  • Limitación del tratamientu: en delles circunstancies, l’interesáu va poder solicitar la limitación del tratamientu de los datos, nesti casu, nun se van guardar más que pal exerciciu o la defensa de reclamaciones.
  • Oposición: en delles circunstancies, la persona interesada va poder oponese al tratamientu de los datos. Nesi casu, la entidá correspondiente va dexar de tratar los datos, nun siendo por motivos llexítimos imperiosos o l’exerciciu o la defensa de posibles reclamaciones.
  • Portabilidá de los datos: ye aplicable namás qu’a datos automatizaos y consiste en pasar los datos dende la entidá correspondiente a un responsable del tratamientu nuevu (non a la persona interesada y por solicitud d’esta).

Usté puede exercer los sos derechos de forma documentada, incluíu’l derechu a quitar el consentimientu (si se concedió) de forma presencial, o pente medies d’un corréu electrónicu dirixíu a henrique@balto.es o d’una carta postal dirixida a B. Alto a la dirección c/ General Elorza 36, 1.º D, 33001 Uviéu/Oviedo, indicando los derechos que se quieren exercer y una prueba d’identidá.

Comprometémonos a responder a la so solicitú nun plazu máximu de 30 díes hábiles.

 

Llexitimación pal tratamientu de datos

La base llegal pal tratamientu de los sos datos personales ye l’aceptación esplícita del so tratamientu, xestión y almacenamientu según la Política de Privacidá presente.

 

Consecuencies de nun aceptar la Política de Privacidá

Nel casu de que nun acepte la xestión de los sos datos según la Política de Privacidá presente, nun se van guardar, lo que supón que nun va poder participar nel concursu Indumentaria 2018.

 

Autoridá de protección de datos n’España

Usté tien derechu a presentar una reclamación énte l’Autoridá de Control en materia de protección de datos, actualmente l’Axencia Española de Protección de Datos:

https://www.agpd.es/
internacional@agpd.es
+34 91399 6200

 

Cambios na Política de Privacidá

B. Alto resérvase’l derechu a modificar la Política de Privacidad presente, estes modificaciones van facese acordies cola llexislación y la xurisprudencia y van quedar espeyaes na Política de Privacidá presente.